ޔޫކްރެއިން ހަނގުރާމަ ހުއްޓާލުމަށް ޕޫޓިންގ އަރިހުގައި މޯދީ އެދިވަޑައިގެންފި
ބޮޑުވަޒީރު ނަރެންދުރަ މޯދީ ހުކުރު ދުވަހު ވަނީ ކޮވިޑް-19ގެ ބަލިމަޑުކަމާއި ޔޫކްރޭން ހަނގުރާމައިގެ ސަބަބުން އުފެދުނު ކާބޯތަކެތީގެ ދަތިތަކުގެ އިތުރުން ހަކަތަ ފޫބައްދަން ފުރިހަމަ ޓްރާންސިޓް ހައްގުތަކާއެކު އިތުބާރު ހުރި އަދި ކެތްތެރި ސަޕްލައި ޗޭންތައް އުފެއްދުމަށް ރަޝިޔާ އާއި ޗައިނާ ހިމެނޭ ގޮތަށް އެސްސީއޯގެ މެމްބަރު ގައުމުތަކުގެ ލީޑަރުންނަށް ގޮވާލައްވާފަ އެވެ.
އުޒްބެކިސްތާނުގެ ސަމަރްކަންދުގައި ބޭއްވި އެ ސަމިޓަކީ ދެ އަހަރަށް ފަހު އެގައުމުގެ ފުރަތަމަ އިންޕާސަން އިވެންޓެވެ. މި އިވެންޓްގައި ވަނީ އިންޑިއާއިން ޝަންހާއީ ކޯޕަރޭޝަން އޯގަނައިޒޭޝަންގެ ރައީސްކަމާ ހަވާލުވެފައެވެ.
ގިނަ ބަޔަކު އިންތިޒާރު ކުރަމުން ދިޔަ އިންޑިއާ ރަޝިއާ ދެ ގައުމުގެ ބައްދަލުވުމުގައި މޯދީ ވަނީ ޔޫކްރޭންގެ މައްސަލައާ ގުޅިގެން އޭނާގެ ކަންބޮޑުވުންތަކާ ގުޅޭ ގޮތުން ރަޝިޔާގެ ރައީސް ވްލަޑިމިއާ ޕޫޓިންއާ މަޝްވަރާ ކުރައްވާފަ އެވެ.
އޭނާ ވިދާޅުވީ މިހާރު މީ ހަނގުރާމަ ކުރަންވީ ވަގުތު ނޫން ކަމަށާއި ފެބްރުއަރީ 24 ވަނަ ދުވަހު ރަޝިޔާ އަވަށްޓެރި ގައުމަށް ހަމަލާ ދިނުމުން ފެށުނު ގާތްގަނޑަކަށް ހަތް މަސް ދުވަހުގެ ހަމަނުޖެހުން ހައްލު ކުރުމަށް މަސައްކަތް ކުރަންވީ ވަގުތު ކަމަށެވެ. އެގޮތުން ހަނގުރާމަ ވީހާވެސް އަވަހަކަށް ނިމުމަކަށް ގެނައުމަށްޓަކައި ޕޫޓިންއަށް މޯދީ ޕްރެޝަރު ކުރި ކަމަށްވެއެވެ.
ހަނގުރާމައާ ގުޅިގެން ހުޅަނގުގެ ފިތުން ތަކުގެ ސަބަބުން ބަންދުވެފައި ހުންނަ ޕޫޓިން ތަކުރާރުކޮށް ވިދާޅުވެފައި ވަނީ ރަޝިޔާއަކީ ޗައިނާ އާއި އިންޑިއާއަށް މުހިންމު ވެފައިވާ އެކަހެރި ގައުމެއް ނޫން ކަމަށެވެ.
ނަމަވެސް ބޮޑުވަޒީރު މޯދީ އާއި ޗައިނާގެ ޕްރިމިއާ ޝީ ޖިންޕިންގް ރައްކާތެރި ދުރުމިނެއް ދަމަހައްޓާފައިވާއިރު އެސްސީއޯ ސަމިޓުގައި ސްޓޭޖް ހިއްސާކުރި ނަމަވެސް ހިނިތުންވުމަކާއި ސަލާމް ކުރުމެއް ދެބޭފުޅުންގެ ނެތެވެ.
2020 ވަނަ އަހަރުގެ ޖޫން މަހު ގަލްވާން ވާދީގައި ބޯޑަރު ހަމަނުޖެހުން ހިނގި ފަހުން ފުރަތަމަ ފަހަރަށް ދެ ލީޑަރުން ކުރިމަތިލާން ޖެހުނު ނަމަވެސް ޝީ ވަނީ އެސްސީއޯގެ ރިޔާސަތާ ހަވާލުވެވަޑައިގަތުމުން މޯދީއަށް ތަހުނިޔާ ވިދާޅުވެ، ދެން އޮންނަ ސަމިޓް ބާއްވާއިރު އިންޑިއާއަށް ތާއީދު ކުރައްވާނެ ކަމަށް ވިދާޅުވެފަ އެވެ.
