ކެލިފޯނިއާގައި ހިނގި ބަޑިޖެހުމުގެ ހާދިސާއެއްގައި 10 މީހުން މަރުވެ އެތައް ބަޔަކު ޒަހަމްވެއްޖެ

އެމެރިކާގެ ކެލިފޯނިއާގެ ކޮމިއުނިޓީއެއްގައި އާދީއްތަ ދުވަހުގެ ރޭ ހިނގި ބަޑިޖެހުމުގެ ހާދިސާއެއްގައި 10 މީހުން މަރުވެ އެތައް ބަޔަކު ޒަހަމްވެއްޖެ އެވެ. މި ހާދިސާ ހިނގާފައިވަނީ ލޯކަލް ޝޮޕިން ސެންޓަރެއްގެ ކައިރީގައެވެ. ބަޑިޖެހިމީހާ ވަނީ ސަލާމަތީ ބާރުތަކުން  ހައްޔަރުކޮށްފައެވެ. އޭނާގެ މައްޗަށް ގިނަ އަދަދެއްގެ ހަތިޔާރު ގެންގުޅުނު ކަމުގެ ތުހުމަތު ވެސް ވަނީ ކޮށްފަ އެވެ.

ހަމަލާ ދިން މީހާގެ އައިޑެންޓިޓީ ހާމަކޮށްފައި ނުވާއިރު، ފުލުހުންގެ މީޑިއާ އޮފިޝަލް ވިދާޅުވީ އޭނާ ޝޮޕިން ސެންޓަރުގައި ބަޑި ޖަހާފައިވަނީ ރާއްޖެ ގަޑިން މިއަދު ހަވީރު 6:00 ހާއިރު ކަމަށެވެ. މަންޒަރު ދުށް މީހުން ބުނި ގޮތުގައި ހަމަލާދިން މީހާ އަކީ ގިނަ ހަތިޔާރުތަކެއް ހިފައިގެން ހުރި މީހެއް ކަމަށާއި އޭނާގެ ހަމަލާތައް ވަކި ބަޔަކަށް އަމާޒުކޮށްގެން ދިން ކަމަށްވަނީ ފާހަގަކުރެވިފައެވެ.

ބަޑި ޖަހަން ފެށިތާ ކުޑަ އިރުކޮޅެއްގެ ތެރޭގައި އިމަޖެންސީރެސްޕޮންޑަރުން އެތަނަށް ގޮސް ބަޑީގެ ޒަހަމްތަކަކާއެކު އެތައް ބަޔަކު ވަނީ ފެނިފަ އެވެ. އެ ހާދިސާގައި 10 މީހަކު މަރުވެފައިވާ ކަމަށް ބުނާއިރު، އެތައް ބަޔަކު ޒަހަމްވެގެން ކައިރި ހޮސްޕިޓަލްތަކަށް ވަނީ ގެންގޮސްފަ އެވެ. ޒަހަމްވި މީހުންގެ ހާލު އަދި ނޭނގެ އެވެ.

ހަމަލާ ދިން މީހާ ފުލުހުންގެ ބެލުމުގެ ދަށަށް ގެންގޮސްފައިވަނީ އެއްވެސް އިތުރު ލޭއޮހޮރު ވުމަކާ ނުލައި ކަމަށާއި މިހާރު އޭނާއާ އިންވެސްޓިގޭޓަރުން ދަނީ ސުވާލު ކުރަމުންކަމަށް ރިޕޯޓްތައް ބުނެއެވެ. ފުލުހުންގެ އިދާރާއިން ނެރުނު ބަޔާނެއްގައި ބުނެފައިވަނީ ހަމަލާދިން މީހާ ހައްޔަރުކުރިއިރު އޭނާގެ އަތުގައި ގިނަ އަދަދެއްގެ ހަތިޔާރު ހުރި ކަމަށެވެ.

މި ހިތާމަވެރި ހާދިސާގެ ސަބަބުން މުޖުތަމައު ހައިރާންވެ، އެމެރިކާގެ އެކި ކަންކޮޅުތަކުން ތައުޒިޔާ އަންނަނީ ކިޔަމުންނެވެ. ލޯކަލް އޮތޯރިޓީތަކުގެ އިތުރުން އެފްބީއައި އިން ވެސް މިހާރު ދަނީ ބަޑިޖެހުމުގެ މައްސަލަ ތަހުގީގު ކުރަމުން ކަމަށާއި މައުލޫމާތު ލިބިފައިވާ ފަރާތެއް ވާނަމަ އެކަން އެންގުމަށް ވަނީ އިލްތިމާސް ކޮށްފައެވެ.

ޝޫޓިންގެ ފަހަތުގައި ވާ މޯޓިވޭޝަން އަދި ނޭނގޭ އިރު، ހަމަލާދިން މީހާއާ ނުވަތަ ޝޮޕިން ސެންޓަރާ އެއްވެސް ގުޅުމެއް އޮތް ކަމެއް ސާފެއް ނުވެ އެވެ.