އެމެރިކާގެ ކްރިސްޓިއަނުން 2070 ވަނަ އަހަރުގެ ނިޔަލަށް މައިނޯރިޓީ ގްރޫޕަކަށް ވެދާނެ ކަމަށް ދިރާސާއަކުން ދައްކައިފި
އެމެރިކާގެ ކްރިސްޓިއަނުން 2070 ވަނަ އަހަރުގެ ނިޔަލަށް މައިނޯރިޓީ ގްރޫޕަކަށް ވެދާނެ ކަމަށް ޕިއު ރިސާޗް ސެންޓަރުން އާންމުކުރި ތަފާސް ހިސާބުތަކުން ދައްކައިފި އެވެ.
ކުރިއަށް އޮތް 50 އަހަރު ތެރޭގައި އެމެރިކާގެ ދީނީ މަންޒަރު ބަދަލުވާނެ ގޮތް ލަފާކުރުމަށްޓަކައި ޕިއު ރިސަރޗް ސެންޓަރުން ވަނީ ދިރާސާއެއް ކޮށްފަ އެވެ. އެ ދިރާސާގައި ވަނީ ސުވާލުތަކެއް އުފައްދާފައެވެ. އެގޮތުން ދީން ބަދަލުވުމުގެ ދުވެލި އަވަސްވަމުންދާނަމަ ވާނީ ކިހިނެއްތޯ އާއި، ދީން ބަދަލުކުރުން ހުއްޓިގެން ދިޔަ ނަމަވެސް، އެހެނިހެން އިންސާނީ ހައްޤުތަކާއި، މިނިވަންކަމުގެ ތެރެއިން ނަގާ ނާޖާއިޒު ފައިދާއާއި، ހިޖުރަކުރުމާއި، އުފަންވުމާއި، އަދި މަރުވުން ފަދަ ކަންކަން މިހާރުގެ ރޭޓުން ކުރިއަށް ދާނަމަ ވާނީ ކިހިނެއްތޯ މިދިރާސާގައި ވަނީ ސުވާލުކޮށްފައެވެ.
މިދިރާސާގައި އެ ސެންޓަރުން މޮޑެލްކޮށްފައި ވަނީ ނޯ ސްވިޗިން، ސްޓޭޑި ސްވިޗިން، ލިމިޓްތަކާއެކު ޑިސްއެފިލިއޭޝަން އިތުރުވުމާއި ލިމިޓްތަކާ ނުލައި ޑިސްއެފިލިއޭޝަން އިތުރުވުން ފަދަ ޓްރެންޑްތަކަށް ބިނާކޮށް ހަތަރު ހައިޕޮތެޓިކަލް ސިނާރިއޯއެކެވެ.
ނޯ ސްވިޗިންގ ގެ މަންޒަރުން ހައިޕޮތެސިސް ކުރާ ގޮތުގައި ކްރިސްޓިއަނުން 2070 ވަނަ އަހަރާ ހަމައަށް އެމީހުންގެ މެޖޯރިޓީ ހިފެހެއްޓޭނެއެވެ. އެކަމަކު އެ މަރުކަޒުން ލަފާކުރާ ގޮތުގައި ކުރިއަށް އޮތް 50 އަހަރު ތެރޭގައި ކްރިސްޓިއަނުންގެ ހިއްސާ 10 ޕަސެންޓް ދަށްވާނެ އެވެ.
ސްޓޭޑިއަމް ސްވިޗިންގ ސިނާރިއޯއިން ލަފާކުރާ ގޮތުގައި ކްރިސްޓިއަނުންގެ މެޖޯރިޓީ ގެއްލިދާނެކަމަށް ލަފާކުރި ނަމަވެސް 2070 ވަނަ އަހަރު އެމެރިކާގެ އެންމެ ބޮޑު ދީނީ ޖަމާއަތަކަށް އަދިވެސް ވަނީ ކްރިސްޓިއަނުންނެވެ.
“އެމެރިކާގެ ކްރިސްޓިއަން ޒުވާނުންގެ މެދުގައި އޮތް ދީންބަދަލުކުރުމުގެ ފަހުގެ ރޭޓް މިހާރު ނިސްބަތުގައި ކުރިއަށް ދާނަމަ، އާބާދީގެ ކްރިސްޓިއަނުންގެ ހިއްސާ ކޮންމެ ދިހަ އަހަރަކު ބޮޑު ޕަސެންޓެއް ދަށްވާނެ،” އެ މަރުކަޒުން ބުންޏެވެ.
“2070 ވަނަ އަހަރު އެމެރިކާގެ %46 މީހުން ކްރިސްޓިއަނުންގެ ގޮތުގައި ދެނެގަނެ، ކްރިސްޓިއަން ދީނަކީ ޕްލޫރަލިޓީއަކަށް ހަދައިގެން ދީނެއް ޤަބޫލު ނުކުރާ މީހުންގެ ހިއްސާ %41 އަށް ވުރެ މައްޗަށް ދާނެ އެވެ.
އެ ދިރާސާއިން ދައްކާގޮތުގައި ލިމިޓްސް އާއި އެކު ޑިސްއެފިލިއޭޝަން ބޮޑުވަމުންދާ މަންޒަރުން 2070 ވަނަ އަހަރު “ނޯންސް” (އެއްވެސް ދީނެއް ޤަބޫލުނުކުރާ) މީހުން ވެގެންދާނީ އެންމެ ބޮޑު ގްރޫޕަށެވެ. ނަމަވެސް މެޖޯރިޓީއަކަށް ނުވާނެއެވެ.
“އުމުރުން 30 އަހަރުން ދަށުގެ އެމެރިކާ ކްރިސްޓިއަނުން ދީން ދޫކޮށްލުން ނުވަތަ ދީން ބަދަލުކުރުމުގެ ދުވެލި މިހާރު ހުރި ނިސްބަތުގައި ހުރެމެ އަދި އެއްވަރެއްގައި ހިފަހައްޓާނަމަ، 2050 ވަނަ އަހަރުގެ ނިޔަލަށް އެމެރިކާގެ ކްރިސްޓިއަނުންގެ މެޖޯރިޓީ ސްޓޭޓަސް ގެއްލިގެންދާނެ ކަމަށްވެސް އެދިރާސާއިން ވަނީ ދައްކާފައެވެ. އަދި ދެން އެމީހުން ވާނީ އެމެރިކާގެ އާބާދީގެ %47 އަށެވެ. އަދި އޭރުން އެއްވެސް ދީނެއް ޤަބޫލު ނުކުރާ މީހުންގެ ޕަސަންޓޭޖް ހުންނާނީ %42 ގައި ކަމަށް އެ ދިރާސާގައި ބުނެފައިވެއެވެ.
މި ރިޕޯޓުގައިވާ އަދަދުތައް އެމީހުން އަންދާޒާކުރާ މިންވަރު ތަފާތު ނަމަވެސް، އެ ހުރިހާ މަންޒަރަކުން ވެސް ފެންނަނީ އެމެރިކާގެ އާބާދީގެ ހިއްސާއެއްގެ ގޮތުގައި ކްރިސްޓިއަނުން ކުޑަވަމުންދާތަނެވެ. އަދި މިއިން ކޮންމެ ނަތީޖާއެއްގައިވެސް، އެމެރިކާގައި ދިރިއުޅޭ މުއުމިނުންގެ އާބާދީ ދެގުނަ ބޮޑުވެ، އެމެރިކާގެ އާބާދީގެ %12 އާއި %13 އާއި ދެމެދުގެ އަދަދެއް ތަމްސީލުކުރާނެ ކަމަށްވެސް މިރިޕޯޓްގައި ބުނެފައިވެއެވެ.
