ކައުންސިލް އޮފް ޔޫރަޕް ރައިޓްސް ވޮޗްޑޯގްއިން ރަޝިޔާ ވަކިވެއްޖެ

ރަޝިޔާއިން ޔޫކްރެއިންއަށް ދިން ހަމަލާއާ ގުޅިގެން އެ ގައުމަށް ކުރިމަތިވަމުންދާ ބައިނަލްއަޤުވާމީ ފިއްތުންތަކުގެ ސަބަބުން  ، އިންސާނީ ހައްގުތަކަށް ވަކާލާތު ކުރާ އެންމެ އިސް އިދާރާ، ކައުންސިލް އޮފް ޔޫރަޕް އިން ރަޝިއާ ބޭރުކޮށްލުމުގެ ކުރިން އަމިއްލައަށް ވަކިވެއްޖެ އެވެ.

ރަޝިޔާއަކީ ދެވަނަ ބޮޑު ހަނގުރާމައަށްފަހު އިންސާނީ ހައްގުތަކާއި ގާނޫނުގެ ވެރިކަން ދެމެހެއްޓުމުގެ ޒިންމާ ހަވާލުކޮށްފައިވާ ޕެން-ޔޫރަޕްގެ ޖަމާއަތުން ވަކިވި ދެވަނަ ގައުމެވެ.

އަސްކަރީ ބަޣާވާތެއްގައި އަސްކަރިއްޔާގެ އޮފިސަރުންގެ ގްރޫޕަކުން ވެރިކަން އަތުލުމަށް ފަހު، ގްރީސް އިން 1969 ވަނަ އަހަރު ވަނީ ހަމަ އެގޮތަށް އަމަލުކޮށްފަ އެވެ. އޭގެ ފަސް އަހަރު ފަހުން އަލުން ޑިމޮކްރަސީ އިއާދަކުރުމަށް ފަހު އަލުން އެޤައުމުގެ ގުޅުނީއެވެ.

ޔޫރަޕިއަން ކޮންވެންޝަން އޮން ހިއުމަން ރައިޓްސް އެކުލަވާލި މުއައްސަސާއިން ރަޝިޔާ ވަކިވެ، ކޮމިއުނިޒަމް ވެއްޓުމަށްފަހު އިރުމަތީ ޔޫރަޕްގެ ގައުމުތަކަށް އެމީހުންގެ ސިޔާސީ ނިޒާމުތައް ޑިމޮކްރަޓައިޒް ކުރުމަށް އެހީތެރިވެދިން މުއައްސަސާއިން ރަޝިޔާ ވަކިވުމަކީ ރަމްޒީ ބަރުދަނެއް ހުރި ކަމެކެވެ.

ނަމަވެސް، ޔޫރަޕިއަން ކައުންސިލް އޮފް ޔޫރަޕްގެ އެސެމްބްލީގައި ރަޝިއާ ބޭރުކުރުމާ މެދު ވޯޓަށް އެހުން އެތައް ގަޑިއިރެއް ކުރިން އިޢްލާން ކުރި ކުރުން މި ނިންމުމުގެ ސަބަބަކަށް ވެފައިވެއެވެ.

ވޮޗްޑޯގް އިން ރަޝިޔާއިން ވަކިވުމާ ބެހޭ ގޮތުން ވާހަކަ ދައްކަވަމުން ރަޝިޔާއިން ވަނީ، ޔޫކްރެއިންއަށް ހަމަލާދިންތާ އެއްދުވަސް ފަހުން، ފެބްރުއަރީ މަހުގެ 25 ވަނަ ދުވަހު ރަޝިޔާގެ މެމްބަރުކަން ސަސްޕެންޑްކުރި އިންސާނީ ހައްގުތަކާ ބެހޭ އިދާރާއަށް ހުޅަނގުގެ ގައުމުތަކުން ނުފޫޒު ފޯރުވާ ކަމަށް ތުހުމަތުކޮށްފައެވެ.